Dei sprang og dei sprang!

Klokka 10 gjekk startskotet for 30 deltakarar på den 6,7 kilometer lange rundløypa! Frå Hadarhallen gjekk løypa fram Rotarystien, ned Kvitholen, på utsida av stadion og inn att i hallen, før det var klart for ein ny start kvar heile time.

Nokre sprang ein halvmaratondistanse, medan andre tok utfordringa heilt ut og sprang maraton. Men for sju av deltakarane var ikkje det nok: Innan klokka 22 laurdag kveld hadde dei fullført alle dei 12 rundene. Det vil seie over 8 mil med løping!

Vi applauderer samtlige deltakarar for ein imponerande innsats og gratulerer så mykje til Joakim Sæther og Ingrid Kleiven med sigeren samanlagt, og Patrick Kvalsvik Uttakleiv med spurtsigeren i den aller siste runda!

Tusen takk til alle som deltok og bidrog til ein flott løpedag! 👏🏃‍♀️🏃‍♂️

Resultatliste: Resultatliste Bakgårdsløp 2026

Hareidlandet Bakgårdsløp

Hareidlandet Bakgårdsløp blir arrangert av Hareid IL Friidrett og Hareidlandet Triatlon. Eit samarbeid mellom to organisasjonar som ønsker å skape aktivitet på Hareidlandet.

Hareidlandet Bakgårdsløp er av typen ultraløp, som av definisjon er løp som er lengre enn eit maraton,-altså eit løp som er lengre enn 42 195 meter!! Vår utgåve er eit løp med ei runde på 6.71 km der ein spring så mange runder ein klarer, med ny start kvar heile time, men maks 12 runder. Fullfører ein 12 runder, har ein sprunge 80.52km!

Laurdag 19.september har du sjansen! Starten går kl 10 i Hadarhallen. Tek du utfordringa?

Påmelding foregår via RaceTracker: https://www.racetracker.one/.../hareidlandet.../registration

Håper å sjå deg der! Heiagjengen er også velkomen!

Ved spørsmål ta kontakt med: Hareidlandettriatlon@gmail.com eller Friidrett@hareidil.no

Løypa går i fine omgjevnader på Rotarystien og Kvitholvegen

Hareid IL

Fellesskap - Meistring – Ærlegheit

Hareidlandet Triatlon

 Samhald - Meistring - Begeistring

Her finn du deltakarlista til Hadarleikane laurdag 13.juni