14.12. HAREID 4.-DIVISJONSOPNAR HEIME MOT LANGEVÅG
Hareid og Venthan Ketheeswaran møter Langevåg heime i første runde i 2017. I 2016 kom Langevåg til Hareid i andre runde. Då vann gultrøyene 3-0.
Terminlista for neste års 4.-divisjon er klar. Eller det vil seie: Utkastet til neste års terminliste er klar. For det kan kome endringar på terminlistemøtet over nyttår.
I alle tilfelle: Hareid skal møte Langevåg på heimebane i første serierunde. Kampen er sett opp fredag 21. april. Vidare følgjer bortekamp mot Emblem 28. april. Altså møter Hareid to venteleg betre lag dei to første rundane.
I siste runde spelar Hareid borte mot Norborg.
Norborg og LGFK er dei einaste laga i avdelinga som hamna under Hareid på tabellen i år, og det var berre så vidt.
