Takk for alt, Kisse!
Hadde alt godt feil veg kunne Hareid ha rykt ned i morgon. I staden gjekk alt Hareid sin veg. Og i legendariske Hans Gisle "Kisse" Holstad sin siste kamp som Hareid-trenar vart det 2-1-siger mot Valder. Tabellen viser at Hareid som i fjor endar på femteplass. Kven hadde trudd det for tre veker sidan?
Målscorarane Longva, Indreflø og Vattøy.
Hareid er i god haustform. I kveld vann dei fortent 5-1 borte mot Blindheim torsdag kveld med god fotball og er truleg klare for 4.-divisjon 2015.
- Ein viktig siger.
Ulrik Wingsternes var ny lagkaptein i Vagn Scheide Mork sitt skadefråvær.
Etter ein godkjent og heilt jamn 1. omgang sovna Hareid vekk utover i 2. omgang og tapte til slutt fortent mot Ørsta. Dei siste 20 minutta var Ørsta klart best, sjølv om siffera kanskje vart i største laget om vi ser på sjansestatistikken.
Jubel for 0-1 i 1. omgang.
Både sånn og slikt.
Jubel for Ulrik Wingsternes sitt fanastiske 1-1-mål.
"Seier med bismak. Hareid skulle hatt godkjent scoring til 3-3. Derfor teke vi ikkje seiersropet i dag!" Det skreiv Volda-kaptein Aarflot på Twitter etter kampen. Ja, alle trudde at Runar Stranden hadde sikra Hareid eitt poeng etter ein flott spurt mot serieleiaren. Men dessverre valde dommarane å annullere målet på feilaktig grunnlag. Dermed vart det 3-2-tap.
Alexander Nevstad vart utvist etter ein tilsynelatande fair duell med Ronnie Furset.
I 2012 mista Hareid to poeng borte mot Stranda fire minutt på overtid etter ei dødballscoring der ballen sneik seg heilt oppe i lengste hjørne. I dag skjedde nøyaktig det same.
Det vart ein tung kveld for Hareid-supporterane på Skodje. Men vi takkar dei for oppmøtet!
Som i fjor, berre i ein endå meir ekstrem variant, klarte ikkje Hareid å straffe Skodje sin defensive taktikk. Spesielt i 2. omgang la heimelaget alle mann på eigen halvdel. Hareid klarte rett nok å kome til nokre sjansar likevel, men Skodje vann 1-0 etter det vi får kalle ein taktisk triumf.
Dagleg leiar Anita Waage og heimelagets beste (kåra av ein anonym bygdejury) Martin Nikolai Longva.
Hareid spelte store delar av kampen med ti spelarar, og avslutta med ni - då dei klarte 0-0 heime mot Emblem torsdag.
Thor-Ove Brekke etter at dei tre poenga var i hamn.
Godøy opna sterkt og leia ein periode heilt fortent 1-0 på Hareid stadion. Men Hareid var best dei siste 60 minutta, og seine scoringar av Øyvind Hagen og Georg Eikrem Olsen ordna ein etterlengta 2-1-siger til Hareid.
Hareid spelte ein ganske god 1. omgang og ein heller varierande 2. omgang i Ørsta. Einar Orten Trovåg reduserte til 3-1 heilt på tampen av kampen.
Hareid leia 6-0 etter ein god og effektiv 1. omgang. Etter pause hadde Hovdebygda vel så mange store sjansar som Hareid. Men to mål av Ola Kalvø Vattøy ordna 8-0-siger. Måla til Hareid før pause kom ved Ørjan Engen Grimstad (2), Martin Nikolai Longva, Eiliv-Tore Howlid, Vattøy og comeback-kid Per Ståle Nykrem.
Ola Kalvø Vattøy sette inn 2-1 for Hareid, men leiinga heldt ikkje heilt inn.
Hareid hadde full kontroll gjennom mesteparten av kampen, men endå ein gong mangla prikken over i-en. 2-2 mot Blindheim på heimebane var nesten å rekne som eit tap.
Det vart mykje nesten for Hareid og Ola Kalvø Vattøy mot Langevåg i kveld.
1. omgangen på Langevåg stadion var jamn. Heimelaget spelte best, medan Hareid skapte mest. I 2. omgang tok Hareid over spelet og skapte den eine sjansen etter den andre. Men det var Langevåg som scora kampens einaste mål etter 81 minutt.
Ein OK kamp av eit nykomponert Hareid-lag, her ved Ulrik Wingsternes (bak) og Alexander Nevstad. Men det begynner å bli mange "heiderlege" uavgjort-kampar no.
Simon Holstad sende Hareid i leiinga etter ti minutt. Henrik Hole Oksnes utlikna etter 31 minutt. Og fleire mål vart det ikkje i ein jamn kamp på Valdervoll der Hareid hadde dei største sjansane på tampen.
Målscorarane Ola og Eiliv på sidene. Ørjan, lagets beste, i midten.
- Ut frå kampens utvikling var det greitt. Vi tok leiinga og hadde godt tak på kampen. Vi spelte bra i 1. omgang og datt litt meir i 2. omgang. Dei var meir aggressive, pressa oss meir og då fekk vi problem. Vi må trene på feila vi gjorde i markeringsspelet, sa Hareid-trenar Hans Gisle Holstad etter kampen.
28.05. Volda - Hareid 2-1: Suraste tapet i manns minne
Målscorar og Hareids bestemann; Lars Andreas Dahlen Folkestad.
At Volda leia 1-0 til pause var for så vidt greitt nok. Men kvar var Volda i 2. omgang - i ordinær tid? Etter pause var det nemleg Hareid som køyrde på og skape sjansar på løpande band. Utlikinga kom i det 88. minutt ved Lars Andreas Dahlen Folkestad. Men på overtid fekk Volda eit frispark som Stian Finnøy stussa i mål. Uff, uff, uff. Denne var tung å svelge. Vi kjem ikkje på eit surare Hareid-tap, i alle fall ikkje i farta.
23.05. Hareid - Stranda 3-2: Ny fortent heimesiger
Bak: Alexander Nevstad (3-2), Lars Andreas Dahlen Folkestad (2-1) og Ørjan Engen Grimstad (1-1, straffe). Framme: Ola Kalvø Vattøy (banens beste, to målgjevande) og Anders Hjelle Øiestad (frå juryen).
Hareid var ikkje spesielt effektive framfor mål i dag. Spesielt ikkje den første halvtimen då Stranda såg veldig lite kvasse ut. Men det var Stranda som scora på sin eine sjanse i 1. omgang og leia til pause. I 2. omgang køyrte Hareid på og snudde til 2-1. Stranda utlikna før Alexander Nevstad vart matchvinnar. Begge lag fekk kvar si straffe. Hareid scora, medan Vagn Scheide Mork redda Stranda sitt forsøk.
| 12Neste |
