hareid_il_logo_135.png









 

25.05 Hareid-godØy 2-1

3e14ba6a-c4b0-4e5e-b4a2-2cd71d39f4a5.jpeg
Endelig for Hareid!
Torsdag 24.mai var det klart for runde 6 i 4.divisjon. Hareid var på jakt etter sin første seier for sesongen, og det skulle dei endeleg få!

Sjølv om Hareid-laget har spelt fleire gode kampar denne sesongen, har ikkje marginane vore på deira side. Før kampen mot Godøy låg dei sist på tabellen med 0 poeng, men kunne med siger gå forbi både Godøy og FK Sykkylven på tabellen.

Hareid fekk ein verst tenkeleg start i «6-poengskampen» mot Godøy. Etter 3 minutt fekk gjestane frispark frå om lag 25 meter. Frisparket gjekk over muren og forbi Sigve Overå Hide i Hareid-målet. Hareid kom seg til ein stor sjanse like etter scoringa, men det neste kvarteret var det gjestane som hadde eit lite overtak i kampen.
Snuoperasjon

Etter 20 minutt kom Bendik Engen seg til ein stor sjanse. Ein lang ball frå Lars Roar Holstad gjekk gjennom forsvaret, og vidare til Engen som storma framover langs kanten. Engen fekk avslutta frå skrått hald, men forsøket gjekk i nettveggen.

Hareid tok meir og meir over spelet, og allereie etter 26 minutt fekk dei betalt. Hareid hadde mange mann inne 16-meteren og gjestane sleit med å få klarert ballen etter eit innlegg. Ballen enda til slutt i beina til Ola Kalvø Vattøy, som avslutta kontrollert i lengste hjørnet. Keeperen fekk ei hand på ballen, men på returen frå August Brandal var han sjanselaus. Hareid fortsette å presse gjestane, og med 10 minutt igjen av 1.omgang fekk dei frispark i farleg posisjon. Ruben-Kenneth Brandal klinka ballen i lengste stolpe og ut. Ei Hareid-scoring låg i lufta, og det gjekk ikkje lenge før målscorar August Brandal kunne juble for scoring nummer to.

Brandal fekk ein lang ball i bakrom, og Hareid-vingen regelrett parkerte Godøy-forsvaret før han la ballen kontrollert forbi keeper og i mål. Hareid hadde snudd kampen, og kunne gå til pause på stillinga 2-1.

Høg temperatur og store sjansar

Sjølv om 2.omgangen vart mållaus, var den minst like spennande som den fyrste. Heimelaget varta opp med fleire fine angrep og godt spel. Bendik Engen, Henrik Holstad og Ruben-Kenneth Brandal hadde alle sine sjansar, men Hareid greidde likevel ikkje å punktere kampen.

For kvart minutt som gjekk auka temperaturen i kampen. Med 2-1 og viktige poeng på spel, vart det uhyre spennande mot slutten av kampen.Drø;ye 10 minutt før slutt sette gjestane ein støkk i heimelaget når ein volley trefte utsida av stolpen. Heimelaget slapp med skrekken, men det var intense sluttminutt der Godøy pressa på for utlikning. Hareid stod imot presset frå gjestane og kriga for å sikre seg alle tre poenga. Godøy kom ikkje nærare enn stolpetreffet og dermed kunne Hareid juble for sesongens fyrste trepoengar.

-Veldig deilig!

Hareid har ikkje hatt mykje å juble for så langt i år, men dei har levert fleire gode kampar og har utan tvil fortent å ta poeng i fleire av dei. I dag løsna det endelig for dei raudkledde, og stemninga i garderoba var elektrisk etter kampslutt.

-Det var utruleg deilig å vinne i dag. Vi har jobba hardt, og gutane har stått på i alle kampane og på kvar einaste trening veke inn og veke ut. Alle som har holdt på med fotball veit kor viktig det er å få ein slik siger og då få bekrefta at vi er gode nok til å vinne fotballkampar. Eg unnar alle i gruppa denne seieren i dag, dei har stått på og gitt alt dei kan for å få desse tre poenga, sa ein sprudlande Moldskred etter kampen.
Ref: Vikebladet

Hareid skal i dei neste to kampane møte Valder og Sykkylven, to kampar som kan bli avgjerande i kampen om å halde seg i 4.divisjon
Hareid stilte slik:
Sigve Overå Hide - Håvard Knudsen Bjåstad, Lars Roar Holstad (Benjamin Reite), Martin Nikolai Longva, Nauris Driksna - Bendik Engen, Ruben-Kenneth Brandal, Ola Kalvø Vattøy, Andreas Nesset, Henrik Holstad (Kim André Lid Alvestad) - August Brandal (Martinus Røyset Bakken)

20.05 Rollon-Hareid 6-2

Fredag 18.mai var det klart for ny runde i 4.divisjon. Hareid tok turen til Ålesund for å møte Rollon.
Dessverre for Hareid fekk heimelaget ein knallstart på kampen og gikk opp i føringa allereide etter 25 sekunder. Dei la også på til 2-0 minutter etter 1-0 scoringa. Dette var ikkje den opninga Hareid såg føre seg. Rollon var eit fysisk sterkt lag og det viste dei i første omgang. Det blei en tung omgang for Hareid som låg under 5-0 til pause. Etter kvilen såg vi eit heilt anna lag på bana. Dei låg bedre i ramma, sprang meir og fighta meir. Først reduserte Bendik Engen, etter eit fint angrep der Andreas Nesset jr slo ei god pasning i bakrom til Ruben Kenneth som la 45 grader ut til Bendik som breisida ballen i mål. Deretter fikk Rollon eit straffespark som Sigve Overå Hide redda meisterlig før Hareid fikk ei straffe som Ola Kalvø Vattøy satte sikkert i mål.
Det blei likevel tap for Hareid, som snart bør begynde å plukke poeng. Neste sjanse er heimekampen mot Godøy torsdag 24.mai kl 18.30.

Hareid stilte slik:
Rikard Osnes (Sigve O. Hide 46.min) Fredrik Andresen-Martin Longva (Tarje D.Riise 80.min) Benjamin Reite (Markus Hareide 65.min) Henrik Holstad Hareide-Ola Kalvø Vattøy-Andreas Nesset jr-Ruben Kenneth Brandal-Kim A. Alvestad (Gustav Bjørlykke 46.min) August Brandal (Håvard Bjåstad 83.min) Bendik Engen.

07.05 Hareid-Emblem 1-3

hareidemblem.jpg
Fredag 4.mai tok Hareid i mot Emblem på Hareidsmyrane KGB. Dei har våre revansjesugne sidan det sure tapet mot LGFK forrige fredag og håpte å vise det no denne runda.
Hareid opna best og skapte to sjansar før det var spelt 10 minutter. Ola K. Vattøy slo ein fin ball gjennom til Kim-Andre som tok seg forbi to spelarar før han avslutta i ein Emblem-spelar. På returen klinka August Brandal ballen over mål frå rundt 20 meter.
Etter dette tok Emblem fullstendig over. Dei scora på sin første sjanse i kampen. Sondre Hamnøy fekk ballen på rundt 25 meter før han drog seg innover i bana og skaut. Ballen gjekk via fingrane på Hareid-keeper Rikard Osnes og i mål. Eit mål Rikard kanskje kunne avverga. Etter målet såg det ut som at lufta gjekk ut av Hareidskarane og Emblem scora både 0-2 og 0-3 før pause. Nauris Driksna fekk ein gyllen muligheit til å redusere like før pause då Emblem-keeperen klarte og rote vekk ballen etter eit godt press frå August. Driksna klarte aldri å få avslutta på mål. Og dermed gjekk laga til pause på 0-3.
Etter kvilen løfta heimelaget seg mange hakk og var klart bedre enn Emblem, utan at måla kom. Henrik Holstad fekk ein stor sjanse etter eit flott angrep der Fredrik Andresen kom rundt på høgrekanten og la inn til Holstad som plasserte ballen like utanfor. Heilt på tampen scora til slutt Hareid. Bendik Engen fekk ballen på 16 meter og plasserte den fint nede i høgre hjørnet for keeper. Hareid måtte nøye seg med det eine målet og det endte med 1-3 tap.
NB! Martin Longva spelte sin første kamp for Hareid sidan 2014. Han kom inn utover i 2.omg og viste fort at han blir ein viktig mann for dette unge hareidlaget framover. Vi kan også nevne at Lars Roar Holstad spelte sin første seriekamp mot Emblem. Han bringe fysikk og tryggheit i dette laget.

Hareid stilte med følgande mannskap:
Rikard Osnes-Fredrik A-Benjamin R-Håvard B-Henrik H.H-Ola K.V-Andreas N (Lars R 46 min)-Nauris D-Bendik E-August B-Kim A (Martin Longva 60 min).

30.04 LGFK-Hareid 4-3

skuffa_gjeng_etter_4-3_tapet_mot_lgfk.jpg
Fredag 27.april var det klart for 3.runde i 4.divisjon. Hareid reiste til Larsnes for å spele Ytre-derby mot Larsnes/Gursken.
Hareid opna i høgt press slik dei har gjort i dei to første kampane denne sesongen. Og det skulle dei få betalt for allereide etter 7 minutt. Eit skot i krysstanga frå Ola Kalvø Vattøy, enda opp i føtene til August Brandal som kunne sette ballen sikkert i mål frå fem meter. Ein pangstart for Hareidsguttane. Det skulle ikkje ta lang tid før det andre målet kom. Eit par minutt seinare jaga August ein ball frå Håvard Bjåstad, ballen var for dårlig og endte opp i føtene til ein LGFK forsvarar som ikkje hadde orientert seg godt nok i forhold til kvar keeperen stod og sentra ballen i eit tomt mål. 2-0 til Hareid. Men, berre nokre minutt etter 2-0 målet kom reduseringa. Eit innlegg frå venstre enda opp i føtene på Andreas Rekdal som kunne breiside inn reduseringa. 1-2 allereide etter 15 minutter. Etter den scoringa roa kampen seg litt. Hareid låg godt defensivt og skapte eit par farlege overgongar utan at det vart scoringar av det. Rett før pause burde det stått 1-3. Etter ein corner landa ballen midt foran mål, der ein heil haug av hareidspelarar stod og venta på den, men ingen klarte å sette den i mål.
Starten av andre omgang starta slik den første begynte. Hareid opna i høgt tempo og stressa LGFK. Og Hareid var nære både 1-3 og 1-4. Først var Bendik nær etter ein fin overgong, men keeperen fikk akkurat ein finger på den. Kim Alvestad fikk også ein muligheit når han kom aleine med keeper ganske skrått. Skuddet til Kim endte med nok ein corner til gjestane. LGFK hadde banespelet med skapte ikkje det store. Hareid var alltid farlege på kontringar, og det skulle LGFK få svi for etter 75 minutter. August Brandal kom seg forbi forsvarslinja til LGFK, og sette ballen kontant i mål nede ved stolperota. 1-3 og dei fleste trudde at kampen var kjørt. Men, etter 83 minutter endte eit innlegg i mål etter at ballen hadde skifa retning på vei mot mål via Antoni Gardshol sin legg. Berre minutter etter reduseringa var Andreas Rekdal nok ein gong på rett plass til rett tid inne i boksa og kunne kontrollert sette inn utlikninga. På overtid kom LGFK seg rundt på kant og slo eit hardt innlegg langs bakken. Inne foran mål venta Anders Vaagen. Han satte inn 4-3 og kampen var snudd. Etter scoringa bles dommar, Rikard Olsen, av kampen.
Dette var 3 sure poeng som vart tapt for Hareidskarane. Dei stod på i 90 minutter, men fikk ikkje med seg noko heim.... på bildet ser du ein skuffa gjeng...

Hareid stillte med følgande mannskap:
Fredrik L-Fredrik A-Banjamin R-Antoni G-Henrik H.H-Ola K.V (William V.B 70 min) -Anderas N.jr-Hå;vard B (Ruben Kenneth 68 min) -Kim A-August B (Tarje D.R 88 min)-Bendik E.

22.04 Hareid-SIF/Hessa 2-3

straffem_lolavatt_y.jpg
Fredag 20. april sesongdebuterte Hareid på heimebane. Dei tok imot Sif/Hessa på Hareid stadion i eit skikkeleg dritvær. I starten av kampen var det rimeleg jamt mellom dei to laga, men etter kvart tok Hareid over føringa i kampen, og kom til mange nesten-sjansar. I det 28. minutt fekk August Brandal ein stor sjanse, utan å få ballen i mål. I staden kontra Sif/Hessa og skorte 0-1, etter at ballen var sist bort i Antoni Gardsol. Etter målet stod kampen og bikka, utan at nokon av laga klarte å skape noko særleg med sjansar. Det var før Andreas Nesset Jr vant ballen på Sif/Hessa si banehalve i det 42. minutt. Han satt fart framover, og klinka til med eit skudd frå rundt 20 meter. 1-1 og liv i kampen. Det resultatet heldt seg derimot ikkje lenge. For Sif/Hessa gjekk rett i angrep frå avspark og skorte 1-2 målet. Som om det ikkje var nok fekk Hareid eit mål til i fleisen. Ein Sif/Hessa spelar fekk stå heilt umarkert utanfor 16-meteren på ein corner, og skaut kontant inn 1-3 rett før pause.
Etter pause gjekk Hareid ut aggressivt, og styrte spelet. Hareid kom seg etter kvart til fleire gode forsøk, spesielt frå distanse, der dei hadde to gode skuddforsøk. Det aggressive spelet til Hareid skulle dei bli belønna for. I det 70. minutt fekk Hareid ei soleklar straffe. Den satt Ola Kalvø Vattøy sikkert til venstre i målet. 2-3, og Hareid var tilbake i kampen. Etter reduseringa fortsette Hareid å krige. Dei styrte spelet, og Sif/Hessa hadde berre eit par små-farlege kontringar. Hareid måtte i rundt det 75. minutt foreta seg eit bytte etter at Andreas Nesset Jr hadde skada seg, og inn kom i staden Andreas Skotheim. Hareid fortsette å presse på, og i det 80. minutt hadde Hareid sin største sjanse. Då Henrik Hareide Holstad skaut ballen i stolpen, og ut. Dei ga seg ikkje, og August kom seg blant anna til eit godt skudd. Ballen ville derimot ikkje inn, og det enda dessverre til slutt 2-3.

Hareid si lagoppstilling:
Fredrik Lonbakken-Fredrik Andresen- Benjamin Reite-Antoni Gardsol-Henrik Holstad Hareide-Ola Kalvø Vattøy-Andreas Nesset Jr (Andreas Skotheim 75min)- Håvard Bjåstad (Nauris Driksna 65min)-Bendik Engen-August Brandal-Kim André Alvestad

16.04 Ørsta-hareid 3-1

1-0_m_l_mot_rsta.jpg
Fredag 13.04 var det klart for serieopning for Hareid A-lag herrer. Dei tok turen til Ørsta for å kjempe om tre poeng. Hareid starta bra. Dei gjekk ut i hundre, var aggressive i presset og klinka til i duellane. Dette førte til at Ørsta ikkje fekk til det heilt store i starten av kampen. Ørsta måtte bytte keeper heilt i starten av kampen. Keeper Martin Liaskar fekk ein finger ut av ledd og måtte byttast ut. Dei første 30 minutta var det lett å sjå at dette var første offisielle kamp for begge laga. Kampen var prega av mange duellar og litt hawaii-fotball.
I det 39.minutt klora Hareid seg fast på Ørsta sin halvdel og skaffa seg ein corner. Kaptein Ola Kalvø Vattøy slo ein presis corner rett på hovudet til Martinus Bakken som hadde skaffa seg nok rom til å få avslutta. Dermed gjekk Hareid til pause med ei 1-0 leiing.
Etter pause gjekk Ørsta ut i høgt press frå start og det skulle lønne seg. Etter berre eit par minutt låg ballen i nettet bak Fredrik Lonbakken. Det var innbyttar Knut Erik Myklebust som fikk stupt inn eit godt innlegg frå høgresida. 1-1. Rett etter scoringa fikk Myklebust sjansen til å sende Ørsta i leiinga frå straffemerket. Det klarte han ikkje, han brente ballen eit godt stykke til side for mål. Men, scoringa kom ikkje lenge etter. Myklebust fikk kriga inn ein corner. Dermed stod det 2-1 til Ørsta etter 56 minutt. Det kunne sjå ut som at lufta hadde gått litt ut av Hareidskarane etter 2-1 scoringa, men den gang ei. Hareid heva seg og tok meir tak i kampen. Bakken var frampå ved eit par anledningar. Kim André Alvestad sette ballen like over mål med ein lobb frå 13-14 meter. Vattøy sette ballen i stolpen direkte frå corner og Hareid vart muligens snytt for eit straffespark der Martinus vart felt innanfor 16 meteren.
Hareid-spelarane kjempa til krampa tok dei, men sleppte heimelaget til nokre store sjansar og etter 84 minutt sette Myklebust punktum med si tredje scoring for kvelden. Det var surt for Hareid, som løfta seg fleire hakk i perioden mellom 2-1 og 3-1. Men, all honnør til gutane som kjempa heile kampen. Mykje positivt å ta med seg til neste kamp som er heime mot Sif/Hessa førstkommande fredag.

Hareid stilte med følgande mannskap:
Fredrik Lonbakken-Fredrik Andresen- Benjamin Reite (Markus Hareide 70 min)-Antoni Gardsol-Henrik Holstad Hareide-Ola Kalvø Vattøy-Andreas Nesset Jr-Bendik Engen-August Brandal-Martinus Bakken-Kim André Alvestad (Håvard Bjåstad 85 min)

27.03 Pokerturnering og kamp

gollag.jpg
Då skal vi oppsumere dag 5 og 6 her nede. Dei to høgdepunkta for dei to dagane er den årlige pokerturneringa vi alltid har på treningsleir og treningskampen mot Gjerdrum IL.
Vi startar med gårsdagen og den store pokerturneringa. Men, før vi går i detaljar rundt pokerturneringa, kan vi ta med at vi hadde oss ei kvalitetstrening på morgenen. Trenarteamet med Kenneth i spissen fortjenar enormt med skryt for alt dei har gjort her nede, og spesielt då treningane. Alle treningane her nede har våre med ganske høg intensitet og med bra kvalitet. Alle spelerane er veldig fornøgde med opplegget vi har hatt her nede og takkar trenarteamet for det.
Etter treninga fikk spelerane fri resten av dagen. Nokon nytta då høve til å sole seg, mens andre for på kjøpesenter/sightseeing. På kvelden var det klart for pokerturnering der 11 stk deltok. Det var mange som hadde forhåpningar om å stikke av med seieren i år. Etter over tre timar med speling var det tre stykker som satt igjen. Johs, Fredrik L og Ola. Etter ein intens avsluttning mellom Johs og Ola, var det Ola som drog det lengste strået og kan kalle seg pokerkongen av Tyrkia. Grattis!
Dagen etter var det klart for kamp mot Gjerdrum. Eit lag som rykka ned frå 4.div i fjor. Hareid åpna kampen best og prøvde å gå ut i hundre, noko dei fekk til delvis. Det nokså høge presset lønna seg tidleg i kampen. Ei pasning i bakrom førte til at William havna i ein 50-50 duell med keeperen. Den duellen førte til at Bendik fikk ballen på rundt 20 meter og satt den i det åpne målet. 1-0 til Hareid drøyt 5 minutter ut i kampen. Ikkje lenge etter auka Hareid leiinga etter eit nydeleg angrepsspel. Ola fikk ballen på midten, slo ei god pasning ut til Henrik som slo ballen vidare til Kim på venstrekanten, Kim førte ballen innover før han fant William i boks som la igjen til Bendik som måtte bruke to forsøk på å sette ballen i nettmaska. Fullt fortjent 2-0 etter 15 min. Etter scoringa roa tempoet seg og Hareid låg godt defensivt. Rundt 30 minutter ut i kampen får Bendik sjansen aleine med keeper etter at William spelar han fint igjennom. Denne gongen går keeperen seirandes ut av duellen. Etter pause fortsatte Hareid å ligge godt i ramma og det blir ingen store sjansar i mot. Hareid skapar to store sjansar etter pause. Igjen er Bendik aleine igjennom etter nok ei fin pasning frå William. Og igjen går keeperen seirandes ut av duellen. Den siste sjansen får innbyttar Tarje. Han får faktisk 3-4 sjansar til å sette ballen i mål etter eit innøvd cornertrekk der Ola slår ei svak 'løfse', som dei har kalla varianten, inn i boks. Der står Tarje og møtar ballen med hovudet før han får to returar han ikkje klarer å sette mellom stengene. Kampen ebbar ut med 2-0 seier til Hareid. Hareid kan være stolte av innsatsen og viljen dei hadde igjennom heile kampen.
I kveld blir det fotballkamp på tvn, eit par quizar og sikkert litt kortspeling. Ein vel gjennomført treningsleir er snart ferdig og alle som har blitt med kan klappe seg på skuldra. Solid gjennomført av alle mann! No blir det heim å terpe på dei siste detaljane før serien brakar laust. Det var alt frå Tyrkia denne gongen.
Laget til Hareid: Fredrik Lonbakken (Rikard O 46 min) - Fredik A - Markus H - Benjamin R - Henrik H - Andreas jr - Ola K.V - Bendik E - Kim A - William B - Andreas S (Tarje R 60 min)

25.03 Den store konkurransedagen

winners.jpg
I går oppsumerte vi dei tre første dagane her nede kort og godt. I dag skal vi holde oss til dag 4. Den har stort sett eit stort konkurransepreg over seg. Den første økta var ei heil konkurranse der vi blei delt inn i par. Para skulle gjennomføre ei løype med ulike øvingar. Løypa bestod av blant anna tverrlegartreff, curle ballen over linja frå nesten død vinkel og triksing. Alle para hadde også fått ein odds. Ut ifrå oddsen vart det ein overraskandes seier. Benjamin og William, med ein odds på 8, vann 'løypa. På 2.plass kom Håvard og Markus og på 3.plass kom Ola og Kim. Andreas jr og Bendik, som hadde ein odds på 1.90, kom på ein skuffandes sisteplass.
Etter løypa var det klart for avslutningskonkurranse med dei same para. Tre ulike øvingar der kvart par fikk 30 skudd kvar. Her blei det nok ein gong William og Benjamin som gikk sigrandes ut. Det var nok ein gong Håvard og Markus som kom på 2.plass. Det vart delt 3.plass mellom Ola og Kim, Fredrik og Andreas Skotheim og Henrik som var aleine.
Etter økta vart turens prank gjennomført. Når vi ankom hotellet igjen stod der ein person i resepsjonen som hadde klar ei regning. På regninga stod der at Håvard og Markus hadde sett på erotikk til ein verdi av 700£. Begge vart heilt satt ut og begynte sjølvsagt å seie at dei ikkje hadde sett på det. Etter nokre sekund spurte Markus: 'kosta det penga å sjå på tv'? Resepsjonisten krevde pengane og Markus la all skyld på seg sjølv. Han hadde sett på eit program som heiter Ben 10, han trudde det kunne være det som tappa dei for pengar. Håvard hadde då allereide sendt meldingar heim. Det tok ikkje lang tid før dei som hadde utført pranken måtte rekke opp henda å seie at det var ein spøk. Stor applaus til trenarteamet og resepsjonisten som hadde komt på den spøken.
På slutten av dagen var det klart for ei ny oppgåve i Mesternes Mester, noko som vi har hatt kvar dag her nede. Denne gangen var det om å gjer å halde ein ballong rett opp i lufta lengst. Alle laga gjor ein strålandes jobb her og om lag alle personane klarte å halde ballongen i over 30 minutter. Men, her var det ingen tvil, dagens vinnar vart August, som foreøverig er på lag nr 4 med Ola, Henrik og Kim. Lag 4 har no vunnet alle 4 oppgåvene. Han har no stått i godt over 1 time og han står fortsatt. Imponerandes!!

24.03 Storkosar oss i tyrkia

29542265_10155914477665568_2978900787371366669.jpg
Grunna dårleg internetttilgong har det ikkje blitt noko oppdatering frå turen endå. Vi har endelg fått tilgong og er klar for å oppdatere dokke heime om turen så langt.
Vi ankom Side seint onsdag kveld/tidleg torsdags morgon. Då var det rett til sengs for å ver klar til den første økta på torsdagens morgon.
Det er lagt opp til to treningar per dag, ei tidleg økt og ei midt på dagen. Mellom treningane har vi lov å gjere det vi måtte ønske, i alle fall nesten ;) Dei fleste nyttar tida til soling, kortspel eller avslapping på romma. Her kan vi merke oss at taparen i kortspela blir ilagt ei straff. Straffa varierar frå gong til gong, og dei fleste der heime har nok allereide sett ein av dei som har tapt.
Innhaldet på treningane er variert og bra. Til no har det blitt ein del terping på forskjellige teknikkøvingar og ein del speling. Det har også blitt ein del konkurransar undervegs. Det er sjølvsagt premiering til dei som vinner konkurransane.
I dag skulle vi spele ein treningskamp mot Blindheim. Den vart avlyst på grunn av sjukdom og skader i laget. Det ser ut som det blir kamp mot Gjerdrum på tirsdag. Vi vil kome tilbake med meir informasjon når det nærmar seg.
Vi har fått mange kommentarar frå både spelarar og trenarar som seier at turen til no har levert blytungt og at dei håpar at det fortsett.
Det einaste som manglar er at sola visar seg litt meir fram :) Vi vil prøve å oppdatere meir dei komande dagane.
Ei varm og god helsing frå oss her nede.

20.03 A-lag herrer reiser til tyrkia

tyrkiabilde.jpeg
Etter ei kald oppkjøring og minimalt med plussgrader skal det bli godt for spelarane og reise til varmare strøk, nærmare bestemt Side i Tyrkia.
Karane reiser nedover i morgon. Dei har sett fram til dette lenge no. Håvard Knudsen Bjåstad, er spesielt klar. Han var med sist Hareid a-lag herrer var på treningsleir til Tyrkia tilbake i 2015.
- Eg har berre positive ting å seie om Side og Tyrkia. Hotellfasilitetane, grasbanene, alt som blir lagt til rette for oss og den gode maten. So kryssar vi fingrane for at sola er framme heile veka, seier Håvard som gler seg noko voldsomt.
Det har ikkje blitt så mange treningskampar for Hareid IL til no, planen er å få seg minst ein kamp der nede.
Fleire oppdateringar frå turen kjem.

19.03 Spjelkavik-Hareid 9-1

27545533_10155801364645568_5041896358286987713.jpg
Laurdag tok Hareid turen til Spjelkavik for å spele første kvalifiseringsrunde i NM. Det vart ein målrik kamp der Spjelkavik til slutt vann 9-1.
Hareid opna litt ruskete og nervøst i starten av kampen. Dette førte til to kjappe Spjelkavikmål. Etter den tidlege kalddusjen kjempa Hareid seg inn i kampen igjen og etter 25 min fekk Hareid eit straffespark. Eit fint kombinasjonsspel av Bendik Engen og August Brandal enda med at August blei felt innanfor 16-meteren. Kaptein for dagen, Ola Kalvø Vattøy, gjekk fram for å ta straffesparket. Han sendte keeper ein vei og ballen den andre. Dessverre for Hareid gjekk ballen i stolpen, tilbake til Vattøy som tok ein touch, før han sendte den i mål. Den som tek straffesparket får ikkje lov å ta sin eigen retur når den kjem direkte frå stolpen, dermed frispark til Spjelkavik.
Inn mot pause får Spjelkavik nok eit mål, dette skulle nok ikkje ha vårte godkjent ettersom ein av spelerane til Spjelkavik står i offside i det han får ballen.
Etter kvilen opnar Hareid sterkt. Dei går ut i hundre og får eit mål tidleg ut i omgangen. Nauris Driksna tar eit innkast midt på bana. Det innkastet førar Bendik Engen aleine mot keeper. Der gjer Engen ingen feil og setter ballen i mål. 3-1!
Etter den sterke starten på 2.omgang byrjar Hareidsgutane og merke kjøret. Kreftene byrjar å gå tom og det raknar på slutten. Det endar med at Spjelkavik får seg 6 mål før dommar Torgeir Halsen bles av kampen.
Alt i alt, godt jobba av Hareid i 65-70 minutter. Hareid tek med seg god erfaring frå ein slik kamp. Hareid starta med følgande lag:
Sigve Overå Hide (Fredrik Lonbakken 46 min) - Fredrik Andresen - Håvard Bjåstad (Lars Roar Holstad 65 min) - Markus Hareide - Henrik Hareide Holstad - Ola Kalvø Vattøy - Andreas Nesset jr - William Valde Bigset - Kim Andre Lid Alvestad (Nauris Driksna 46 min) - August Julian Brandal - Bendik Engen.
PS! Startellevaren hadde ein gjennomsnittsalder på 17,6 år. Dette lovar godt for Hareidsfotballen framover.

17.03 Jentefotballens dag avlyst/utsatt

Grunna for få påmeldingar og manko på damespelarar blir det ikkje Jentefotballens dag på Hareid KGB i morgon.
Vi vil komme tilbake til når denne dagen blir.

15.03 Før kampen: Spjelkavik-Hareid

hareid-spjelkavik.jpg
Det nærmar seg første offisielle kamp for Hareid sitt seniorlag. Det er NM kvalifiseringskampen borte mot 3.divisjonslaget Spjelkavik.
Det er litt smårusk i troppa til Hareid akkurat no. Litt småskadar, litt sjukdom og denne veka har 4-5 av spelarane våre på skikurs på Bjorli.
Akkurat kven som blir med i troppa på laurdag kjem vi tilbake til. Det som er sikkert er at dei som blir med i troppa skal gjere alt dei kan for at Frode Fagermos menn skal få ein tøff kamp.

Girri Girri!

06.03 Hareid-Hødd 2/3 1-2

Det vart tap i første treningskamp for Hareid i år. Hødd 2/3 gikk sigrandes ut av naboduellen med eit 2-1 resultat. Det kalde veret som har herja på Sunnmøre i det siste gjor slik at kampen måtte bli spelt på ei noko mindre bane enn det vanlege og kampen varte i 3*20 min.

Hareid stilte med følgande mannskap:
Sigve Overå Hide - Fredrik Andresen - Markus Hareide - Eiliv Tore Howlid - Henrik Holstad - Andreas Nesset Jr - Håvard Bjåstad - Ola Kalvø Vattøy - Bendik Engen - August Brandal - Kim Alvestad.
Det vart også speletid på Andreas Skotheim (NY), Andre Nupen og Fredik Lonbakken. Målscorar for Hareid var Bendik Engen.

01.03 Jentefotballens dag 11.mars

allejenter.jpg
Jentefotballens dag – Alle jenter på banen – Hareid – 11.03.18 kl 12.00
Prosjektet ‘Alle jenter på banen’ går ut på å motivere og engasjere jenter slik at antall jentespelarar i Norge aukar. Som ein del av dette prosjektet vil Hareid IL Fotball arrangere ei samling for jenter opp til 7. skuletrinn. Målet er å motivere jenter som allereide spelar i dag til å fortsette og i tillegg rekruttere så mange som mulig til å begynne å spele fotball.

Tid og stad:
Søndag 11.mars kl 12.00-14.00 på kunstgrasbana på Hareid.

Gjennomføring av arrangementet:
Vi tenker å dele jentene inn i grupper ut ifrå alder. Vi håper at kvar gruppe har ein damespelar frå Hareid IL som instruktør. Instruktørane vil følge gruppene under arrangementet. Vi delar inn i to delar der den første delen består av øvelsar og leik med ball. Den siste delen vil være ei uhøgtidleg miniturnering. Det einaste kvar enkelt spelar behøver av utstyr er fotballsko eller joggesko og leggskinn.

Påmelding: Påmeldinga er gratis og kan gjerast via linken til høgre under 'Arrangement'.

28.02 SParebanken møre cup 2018

sparebanken_m_re_cup_2018_254_.jpg
SPAREBANKEN MØRE CUP PÅ HAREID, LAURDAG 1.SEPTEMBER

Hareid IL arrangerer turnering for jenter og gutar i alderen 7 til 12 år.
Laurdag 1. september inviterar vi alle lag i barnefotballen til Sparebanken Møre Cup på Hareid.
Det er fjerde året på rad Hareid IL arrangerer denne aktuelle fotballcupen. Påmeldinga har våre veldig bra kvart år og vi håpar sjølvsagt på at det blir stor oppslutning i år også.
Vi disponerar også i år både full grasbane og full kunstgrasbane. Totalt blir det minst fem kampar samtidig på dei to banene. Alle laga som deltek i turneringa får spele minst tre kampar kvar. Kampprogrammet blir effektivt slik at ein unngår lang venting mellom kampane. Alle deltakarane får medalje, sjølvsagt!
11- og 12-åringane spelar sjuarfotball, medan dei mellom sju og ti år spelar femmarfotball. Vi legger i år også opp til andre sosiale aktivitetar i tillegg til sjølve fotballkampane. Hareid IL ønskjer å arrangere ei turnering der både det sportslege og det sosiale er i fokus, der målet er at alle skal kunne seie at dei har hatt ein kjekk dag på Hareid når dei reiser heim, uavhengig av om dei har vunnet eller tapt. Den totale opplevinga er viktig for oss 😊
Vi vil ha aktivitetar og kafe i Hareidshallen.
Tare har også varsla at han kjem på besøk😊
Hareid IL fotball har også fokus på at det som blir seld i kiosken er sunt og godt.
Så oppmodinga er klar: Set av laurdag 1. september til ei god oppleving på Hareid!
Velkommen til ein fin fotballdag på Hareid Stadion 😊

14.02 MITT VALG KURS Laurdag 10.mars blir avlyst!

mitt_valg_2.jpg
NB! Dette kurset blir avlyst på grunn av for få påmeldingar! Kurset blir utsatt til hausten!

I samarbeid med MITT VALG inviterer Hareid IL til kurs laurdag 10.mars!

Hvorfor dette kurset?
Idretten har en fantastisk mulighet til å bidra i oppdragelsen av barn og unge til å bli gode samfunnsborgere som bryr seg om og verdsetter hverandre, men det betinger at trenere og lagledere har den kompetansen som kreves. MITT VALG! sitt opplegg for idrettslag er ment som et verktøy til å hjelpe og støtte trenere og lagledere i arbeidet med å bygge et positivt og inkluderende trenings- og konkurransemiljø blant unge utøvere. Gjennom økt kompetanse vil barn og unge ta et større sosialt ansvar på laget, i klubben og i nærmiljøet, samt utvikle seg til bedre idrettsutøvere.

Hva lærer du?
Kurset gir deg en grundig praktisk og teoretisk gjennomgang av MITT VALG sitt opplæringsprogram for trener og lagledere som arbeider med barn og unge idrettsutøvere.
Et MITT VALG kurs gir deg kompetanse til å styrke den enkelte utøvers sosiale ferdigheter, forebygge problematferd, bygge lagfølelse og utvikle bedre idrettsutøvere og mennesker.

Hvem kan delta?
Kurset er for alle som innenfor idretten som har ansvar for å skape et positivt og inkluderende trenings- og konkurransemiljø blant unge utøvere.
Målgruppa er alle trenarar og laglederar i Hareid IL. Vi oppfordrar alle til å delta på kurset. Vi tenker at dette er noko alle må få med seg, og vil derfor oppfordre alle lag til å møte på dette kurset.

Praktisk gjennomføring:
• Sted: Hareid Klubbhus
• Kursholdere: Janne Lindberg og Trond Rekstad
• Undervisningsopplegg inkludert
• Det vil bli servert lunch/frukt
• Påmeldingsfristen er satt til 28.februar
Tid: 09.00-16.30.

Inspirasjon om MITT VALG finn du her:
http://www.askerfotball.no/portal/public/showContentCategory.do?id=948508871

06.02 Dato årsmøtet fotballen

Innkalling til årsmøte 2018!
Tidspunkt: Torsdag 01.mars kl 18.00
Stad: Klubbhuset

Saker som ønskast tatt opp på årsmøtet må sendast styret seinast 15. februar.
Sakene sendast til: fotball@hareidil.no

Til info er årsmøtet til Hovudlaget 08. mars kl 19.00.
I utganspunktet skulle dette være 01. mars, men blei flytta.
1234...332Neste
ARRANGEMENT

 

Jentefotballens dag

------------------------------

HADARLEIKANE

10. Juni - Hareid stadion

____________________

Sparebank Møre Cup

1. September - Hareid Stadion

Påmeldingslink SBM Cup 2018

 


Meld deg inn i Hareid IL ved å klikke på 'Min idrett'. Her kan du registrere og endre personlege opplysningar.

min_idrett.png
Facebook.com/HareidIL
 
Twitter.com/HareidIL

 




   SPONSORAR