hareid_il_logo_135.png









 

1986

Trenar Hans Gisle Holstad tok endeleg farvel med Hareid som a-trenar. Inn dørene kom Reidar Vågnes, som var henta frå Langevåg. Hjelpetrenar var Arne Klepp. Laget fekk ein ny giv og var spent på kva dei to nye trenarane kunne klare å oppnå med klubben. Målsetjinga frå året før vart ikkje endra på, og laget hadde no to år på seg for å nå den langsiktige målsetjinga – opprykk til 2.divisjon. Dei henta tilbake den gamle suksessoppskrifta frå åra før, der dei deltok på ein rekke five-a-side-turneringar. Laget spelte også mange treningskampar, men kvar gong dei skulle møte betre motstand vart kampen avlyst. Hareid var på nytt plassert i avdeling med lag frå Hordaland og Sogn og Fjordane.

Laget kom seg gjennom vårsesongen med 0 tap, men dessverre vart det litt for mange uavgjorte kampar. Heile 7 av 11 kampar enda uavgjort. Likevel var dei fleste godt fornøgd med prestasjonane så langt. Dei hadde vist at dei kunne spele jamt med alle, men måtte bli meir dyktige i avgjerande situasjonar.

Denne sommaren var treningsleir bytta med trenings- weekend som fant stad i Loen i Sogn og Fjordane. Her fekk dei ei god treningshelg, og det sosiale stod også i sentrum.

Allereie i første seriekamp på hausten måtte laget ut på ein lang busstur. Bussen stoppa ikkje før dei hadde nådd Bergen, der dei skulle møte Åsane. Hareid fekk i denne kampen bakoversveis, og heimelaget gav seg ikkje før dei hadde notert fire mål bak Hareid sin målmann. Starten på haustsesongen skulle vise seg å vere ein stor skuffelse. Etter kvart fekk laget meir sving på sakene og det enda med ein godkjent 5. plass. Målsetjinga dette året var heller ikkje nådd.

ARRANGEMENT

Årsmøte Fotballgruppa

Onsdag 21.11.18. Kl. 19.00

Klubbhuset

__________________________

Påmelding er open!

__________________________

MiTT VALG KURS

27.oktober

Melshorn Hotell

 

Meld deg inn i Hareid IL ved å klikke på 'Min idrett'. Her kan du registrere og endre personlege opplysningar.

min_idrett.png
Facebook.com/HareidIL
 
Twitter.com/HareidIL

 



17_kvalitetsklubb_emblem_cmyk_positiv_godkjent.jpg
   SPONSORAR